sa pag-iisa

naglakad kami at sinalubong kami ng mga ngiti. yakapan. namiss ang mga tauhang matagal ding nawala sa aming paningin. sinama ang mga kababata sa harapan. umupo. nagkuwentuhan. nagtawanan. nagbaklaan.

sumisigaw ang mga ilaw.
kapansinpansin ang mga bulaklak.
ang mga nakikiramay.

tumatawa pa rin kami.
naghaharutan.
nag-iingay.

...

paano nila makuhang tumawa?
ngumiti?

sa bagay
...sa pag-alis ng lahat
...sa pagpatay ng mga ilaw
...sa pagkawala ng mga korona ng bulaklak

mapapansin nila na may isang nawawala.

doon papasok ang sakit ng pag-iisa.

ito ay alay sa amang sa kanila'y gumabay.

honorio calica

1953 - 2008.
salamat sa inyong mga anak

na higit pa sa kaibigan

kung asan man siya ngayon

kayo'y kaniyang ginagabayan.

nandito lang kami sa inyong pag-iisa.