isa akong batang dekada nobenta

pinanganak ako noong late 80s, isa akong batang dekada nobenta. sa dekadang ito ako nahubog, namulat at lumaki. at masasabi kong im so proud na sa panahong ito ako namulat sa mundo. kaya naman inihahandog ko ang post na ito sa dekadang aking kinamulatan. ito ang listahan ng dekada 90!

ang dekada nobenta sa aking mga mata

• baduy ba talaga ang mga soap opera?
  noon ewan ko ba kung bakit pilit na nililihim ng mga bagets na nanonood sila ng mara clara o ng mula sa puso o ng esperanza sa telebisyon. baduy daw kasi at pangmasa. may mga statement pa na "yuck nanonood ka nun?" pero pag-uwi naman halos mamatay matay kapag hindi naaabutan ang palabas. unlike ngayon na open na tayo na pag-usapan ang nangyayari sa maging sino ka man o sa marimar pero dati parang taboo pa ang topic kapag pinag-uusapan ang mga soap opera. haha. nababaduyan pa tayo noon at ayaw pang aminin na nanonood ng soap opera sa gabi! haha. well basta ako nasubaybayan ko ang mara clara, esperanza at mula sa puso kahit na nagdeny siguro ako noon. hehe belat!

• tayo na sa sineskwela at tuklasin natin ang siyensiya
  ay naman bawat batang dekada 90 ay nanood yata nito! pustahan alam pa ng mga ito ang opening song ng sineskwela! umaga ko na yatang routine noong grade school na manood nito at marathon pa ng mga morning cartoons na remi, cedi, princess sarah, heidi at georgie. pag-uwi naman sa hapon go go go dahil magsisimula na ang btx, blink, magic night ray earth at iba pa... sinong makakalimot kay sailor moon at syempre sa mighty morphin power rangers! kilala mo pa ba sina jason, billy, zack, kimberly at trini? isama pa si tommy. hay i miss those shows na! hehe paborito ko rin noong bata ako ang hirayamanawari(na ewan ko ba kung anong ibig sabihin) at bayani na alam ko pa rin ang mga theme song hanggang ngayon. hehe. sayang kasi wala ng masyadong educational kiddie shows ngayon...
  
  
• nakilala ng luma ang bago
  isang mahalagang kaganapan sa ilalim ng dekada 90 ay ang pagbabago at ang mga transition years. ito kasi ang post-martial law era at pre-millenium galore. kumbaga naranasan ko pa ang mga traditional pinoy games at the same time naeenjoy ang bagong offer ng technology! naglalaro ako noon ng piko, patintero, tumbang preso, putubong 123, luksong lubid, jackstones, chinese garter, taguan, text(yung cards), pog(parang mga chip) at kung anu-ano pa pero doon din sinimulang iintroduce ang computer technology noong mga late 80s to early 90s. kaya naman kilalang kilala ko sina ryu, ken at chun li at syempre pilit tinatapos ang 8 worlds sa super mario sa family computer. panalo! dahil naging parte ako ng transition stage ng mga taon parang nahubog lalo ang aking pinoy identity. haha gumaganun ba? hehe.
  
  
• ang teknolohiya at ang y2k bug!
  naalala ko pa noong elementary nagsusulputan ang mga aliw na technology. ang gameboy, play station at syempre ang ever famous na cellphone! noong una parang pangkayod ng yelo sa laki hanggang sa nilabas ang 5110 noong grade 6 ako na babago sa mukha ng cellphone culture sa pinas! kay mahal ng 5110 non ha! at ang sim card na kung ngayon ay 30 pesos lang ay makakabili ka na, aba noon thousand ang halaga! 300 din ang prepaid load at di pa uso ang unlimited texting. hanga ako na natitipid ko pa ang 300 load noon sa isang buwan. haha. ayun umusbong ang pagtetext, ang drop call at ang pagmimiskol.
  
  syempre ang pinakamalaking issue noong dekada 90 ay ang y2k bug. babalik daw sa zero ang lahat ng may connection sa computer kaya malaking epekto nito sa daigdig talbog ang global warming dahil digital sa bilis ang effect. magdadown daw ang mga atm machines, mawawala sa ruta ang mga eroplano at bapor, masisira ang mga computers sa stock market, titigil ang mga elevator... well kung tutuusin parang over acting lang pala ang mga sangkatauhang nasa likod ng y2k bug kasi wala lang. pagsapit ng 2000 hindi naman bumagsak ang isang eroplano sa aming bakuran . pero panalo kasi millenium graduate ako noong grade school. ikonek ba? hehe

iba talaga ang dekadang aking nakagisnan. ang sarap magbalik tanaw sa dekada nobenta kung saan maraming bago ang umusbong. ngayon kasi parang nagiging mababaw na ang mga kabataan, namulat sila sa panahon kung saan mabilisan ang lahat. kasing bilis ng pagpapalit ng mga usong cellphone at kasing-iglap ng pagdagsa ng mga bagong teknolohiya. wala na ang mga pambatang palabas na kapupulutan ng aral at wala na rin ang paglalaro sa ilalim ng bilog na buwan ng taguan.