abnormalidad

ang biggest sign siguro ng pagiging bading ay ang desire na maging eba. ang kagustuhang magpalda imbis na magpantalon, ang pagkakaroon ng matris at maging ina kaysa magpatuli at magpaka ama.

paano kung hindi mo gustong maging babae pero ang puso mo ay para sa lalaki rin?

isang tanong na hindi na ako nahihirapang sagutin. siguro abnormal na bading ako. sa aking berdeng dugo hindi nanalaytay ang pagnanais na maging isang ganap na dalaga. wala ang malakas na kapangyarihang pagaasam na maging kalahi ni mother earth. okey na akong maging ganito. kung bibigyan ako ng pagkakataong mamili kung magiging habang buhay na bakla o babae, siguro mas pipiliin ko pa rin na maging ganito.

weird. mas gusto ko pa rin kasing makulong sa katawan ng lalaki. hindi ako babae. bakla nga ako. walang babaeng may nota at walang lalaking nagkakagusto sa kapwa lalaki. kahit ano rin naman gawin ko gustuhin ko man hinding-hindi ako magiging babae at mababa rin ang tsansang maging adan. nasa gitna ako at wala sa kanan o kaliwa.

lingid siguro sa kaalaman ng marami o mahirap mang maunawaan, masaya ako na ganito ako. syempre may mga drama sa buhay at juice ko, sinong hindi nasaktan sa mga diskriminasyon ng mismong kamag-anak? masakit ang buhay bading. mahirap ang ganitong buhay. pero masaya pa rin ako na ganito ko. ayaw ko yatang makaranas ng buwanang dalaw no? at ang pagbubuntis? hindi ko keri.

kaya nga siguro tinawag kaming gay. masaya sa wika natin. kaya rin siguro binansagan din kaming queer o kakaiba. iba ang tumatakbo sa aming isip. mahirap mang intindihin kung bakit nandito kami, may mga bagay talagang hindi na dapat intindihin pa. kapag pinipilit mong iniintindi, lalo mong hindi maiintindihan.

kailangan ko na bang magpatingin sa doctor? bakla po ako pero ayoko pong magkapepe.